Angkor Wat

Ankor Wat isch gewaltig gsi! All die Tempel da sind eigentlich au mit en Grund defür, dass ich mier der Teil vode Welt usgsuecht ha zum bereise.Am erste Tag simmer Angkor Wat selber gu aluege und nah simmer uf Angkor Tom (d Stadt vode Tempel), det hemmer de Bayon Tempel agugged. Ds Speziellä am Bayon Tempel sind die viele Türm mit de Buddha Gsichter. Als nächstes ischs en Tempel us roserotem Sandstei ufm Plan gsi und zum Schluss vom Tag simmer nu de Sunnäuntergang vomne Tämpel us gu aluege.

Am nächste Tag hemmer mim Sunneuufgang in Angkor Wat agfange und sind de zum Ta Prohm, besser bekannt als Tomb Raider Tempel. Ufm Rückwäg simmer de nu amne Tempel verbii cho, wo ganz schöni Elefante Statue i allne Eggä gha hed. Nach zwei Tag alte kaputtne Stei und Tempel hedmers de doch aber au langsam gseh gha.