Hallo zämä!
Mier sind scho wieder viel wiiter 😀 da mal wieder churz wasmer alls gmacht hend, au ergänzt uf de Karte:
Nach dem mer Hanoi gseh gha hend simmer mim Zug numal chli in Richtig Süde. Mer sind uf Ninh Binh i die trochnig Halong Bucht, obwohl so trochä ischs det nid gsi…es hed grägnet was abe hed mögä 😛 Nachdem mer gseh hend wasmer hend wellä simmer wieder Retour uf Hanoi, aber nume für ei Nacht, dassmer am nächste Morgä hend chönne id Halong Bucht gah.
Obwohl eigentlich simmer ide Bai Tu Long Bucht gsi, eini näbäzue mit weniger Lüüt und gnau gliich gewaltiger Landschaft. Nach zwei Nächt ufm Schiff simmer wieder zrugg uf Hanoi. Au dasmal hemmer nur ei Nacht det gschlafe und sind nah wiiter uf Sapa i Nordä vo Vietnam.
In Sapa hemmer zwei Täg Ziit gha. Am erste simmer mim nigelnagelnüüe Bähnli ufe Fansipan, de höchsti Bärg vo Indochina. Am zweite Tag hemmer es Hmong Dorf ide Umgebig erkundet und sind de am Abig ufe Nachtbus.
De Nachtbus hed üs de via Dien Bien Phu uf Laos brunge, womer als ersts in Luang Prabang gsi sind. Ursprünglich hemmer det mal 2 Nächt wellä bliibe, es hed üs de aber so guet gfalle, dassmer gad füüf blube sind. Mer hend Wasserfäll ide Umgebig erkundet, sind die verschiedne Tempel im Städtli gu aluege und hend eifach chli gnossä.
Als nächsts isch d Ebeni vo de Tonchrüeg ufm Plan gsi, also simmer uf Phonsavan und hend vo det us en Usflug gmacht. De als nächsts simmer wiiter uf Vang Vieng womer ein Tag mit Tube verbracht hend. Tube isch imne grosse ufblasne Pneu sich de Fluss ab la triibe.
Hütt simmer in Vientiane acho, das isch d Hauptstadt vo Laos. Morn hemmer Ziit zum das Städtli chli erkunde und am Abig gömmer ufe Nachtbus zum id 4000 Inslä im Süde vo Laos zcho.
8 Antworten
Muma
Hallo Michael
Es sind tolle Bilder die wir hier betrachten dürfen!
Martina hat sie mier präsentiert.
Wir sind ein bisschen neidisch 😉
Liebe Grüsse Muma
Norbert
Hallo zäme….
ah ein neues Gesicht auf der Reise 🙂 ….. per Jet eingeflogen ? …
übrigens der blonde Stoppelbart steht dir gut .. äh irgendwie ähnelst du .. genau Alain Sutter …. smile ….
hends guet mitenand und gnüsset die total schöni Welt vom 40 000 Islands ….
liebe Gruess
Norbert (back from the Panchakarma)
Ruth & Armin
Hallo ihr zwei…
schön das es weiter geht mit dem Blog!
Ihr habt ja schon viel zusammen erlebt 🙂
Hends witerhin guet mitenand!
Uebrigens der Bart steht dir sehr gut,Michael 🙂
Liebi Grüessli
Mam & Pa
Götti
hoi Michael, hoi Michi
Ja de mit em Alain Sutter hed no öpis (de Sutter i de Flegeljahre)
Wie immer interessanti Fotene und Bricht.
Wünsche üch no gueti Reise und viel viel Vergnüege
Slayer ManU
Ü äs hed häärä gä im gsicht
Norbert
Typisch….chum isch d`Fründin uf em Platz ghits kei Föteli meh …. LOL …..joke ….. ich gha aber davo us, dass ihr mega viel gsend …. Myanmar momentan ? … nid vergesse en Schal mit Lotusfaser und Side z`kaufe ….
hesch abstumme ? Axen-Initiative NEIN !
beschti Grüess vom Olymp
Norbert
Ruth & Armin
Hallo ihr zwei Schöne,
wann geht es weiter mit dem coolen Blog?
Heute haben wir ein denkwürdigen Tag: TUNNELEROEFFNUNG!!! 🙂
und am Sonntag müssen wir noch Abstimmen gehen!
Liebi Grüessli 🙂
Norbert
Eure Stimme aus Asia hat auch gezählt…. die Axeninitiative ist mit 62,8 % abgelehnt worden …. ! Trinkt drauf ein Myanmar Beer … oder sowas 😉 .. und einen extra Seiden-Lotus-Schal kaufen ….
Al the best to you both ….
Norbert
PS: die Sonne ist wieder da (Brunnen – Olymp)