Für Australie isch eigentlich scho zimli gäh wo dasses dure gahd. Was nu völlig offe isch, isch wo und we lang dassmer bliibed 😀
Ich wirde am 29. Juni in Bali abflüge und am 30. in Perth acho (via Singapur)
Denn wird ich 2-3 Täg ide Stadt bliibe und evtl. en Abstächer uf Rottnest Island mache.
Aschliessend übernimm ich am 2. Juli es Wohnmobil und fahre mit dem bism 31. Juli uf Broome wo d Martina, z Mueti und de Dädi dezue chömed.
Perth – Broome
Uf dere Strecki weissi nunid so gnau wasses alles azgugge gid. Aber mal sicher:
- gu Tauche im Ningaloo Reef
- …
Broome – Darwin
Vom 31. Juli aa simmer de zvierte underwägs. Mier mönd ds Wohnmobil am 15. Augste de in Darwin wieder abgäh. Ufm Wäg det ane gäbs diversi Nationalpärk zum agugge.
Alice Springs & Red Camping Safari
Am 15. August flügemer vo Darwin uf Alice Springs. Det fahd am 16. üsi drüü Tägig Safari zum Ayers Rock und wieder retour aa. Am 19. August flüügemer de wiiter uf Sydney.
Sydney
Zum Schluss hemmer de nu 6 Tag in Sydney, bevor mer am 25. August wieder hei flüüged.
Hinterlasse einen Kommentar