In Kampot hemmer zwei Mal übernachtet. Mier hend also ei Tag gha fürne Tour ide Umgebig und mer sind det hii gange wo de Pfeffer wachst.Am Morgä ischs relativ glii los gange und mier sind zerst ufnes Salzfeld gange, wos us Meerwasser Salz gwünned. Nächste Halt isch en Fledermuushöhli gsi. Det simmer zerst über Stägä en Hügel duruf gloffä. Obe acho hedmer ine Höhli chönnä und nah det drininne wieder durab (mini Flip Flop sind etzt also Höhlätrekking erprobt). Mim Bus ischs nah wiiter gange uf Pfefferplantage wos de au gad Zmittag gäh hed. Und am Namittag simmer ändlich a langersehnti Strand gange in Kep Beach. Z Meer isch zwar mit fast 30° nid würklich erfrischend gsi, aber es hed gliich Spass gmacht. Dr Abschluss vom Tag isch en Sunneuntergangsfahrt ufm Fluss gsi.
Eine Antwort
Rocky Mc Music
How cool is this!! I love pepper, I love every single song from red hot chilli pepper, I didn’t know they were from Kambodscha!! 😀
So enjoy your trip, stay tuned and keep on listening to the music of the world….